Kidhar Jana chahiye??

kuch faisala to ho k kidhar jana chahiye
pani ko ab to sar se guzar jaana chahiye

har bar aeriyon pe gira hai mera lahoo
maqtal main ab ba-tarz-e-digar jana chahiye

kya chal sakenge jin ka faqat mas'la ye hai
jane se pahle rakht-e-safar jana chahiye

saara jwar-bhata mere dil main hai magar
ilzam ye bhi chand k sar jaana chahiye

jab bhi gaye, azab-e-dar-o-baam tha wahi
akhir ko kitni der se ghar jana chahiye

tohamat laga k man pe jo dushman se daad le
aise sukhanfarosh ko mar jaana chahiye

  • Digg
  • Del.icio.us
  • StumbleUpon
  • Reddit
  • RSS

Dil ka kya hai(By parween shakir)

dil ka kya hai wo to chahega musalsal milana
wo sitamgar bhi magar soche kisi pal milna 
 
wahan nahin waqt to ham bhi hain adim-ul-fursat 
us se kya kahiye jo har roz kahe kal milna
 
ishq ki raah ke musafir ka muqaddar malum 
dasht-e-ummeed mein andaishe ka baadal milna 
 
daman-e-shab ko agar chak bhi kar len to kahan 
nur main dooba hua subah ka aanchal milna

  • Digg
  • Del.icio.us
  • StumbleUpon
  • Reddit
  • RSS

Dil ki KHUSHBU

Meri saanson mein teri khushboo aaj bhi hai
Dil ki khwahish hai ke tumhay choo ker phir se dekhoon
 

Duriyan itni ho jaaingi sochha hi na tha
Teray ehsas mein teri tasweer mein kab tak dekhoon

Kaisey dorahey per khara hoon ke aqal sakit hai
Dar hai  judai ka, khud ko tarapta dekhoon

Tera ehsas-e-janoon mujh ko bhi pyara hai mager
Ishq ke anjam mein apne liye dard hi dard dekhoon

Dil diwana tha kabhi tera so aaj bhi hai
Teri aankhon mein wohi pyar mein phir se dekhoon

Mein ne her lamha khuda se mangee hai dua
Mein teray pyar ka mausam hamesha dekhoon

  • Digg
  • Del.icio.us
  • StumbleUpon
  • Reddit
  • RSS

Bura na Lage...

Tumhare shaher ka mausam bahut suhaana lage
Main ek shaam chura loon agar bura na lage...

Jo doobna hai to itne sukoon se dubo,
Ke aas paas ki lehron ko bhi bura na lage...

Tumhare bas mein agar ho to bhul jao hamein,
Tumhein bhulne mein shayad hamein zamaana lage...

Na jane kya hai teri udaas ankhon mein,
Tu bina bataye bhi jaye to Be-wafa na lage...

Mere pyaar se jalne lagi hai duniya,
Dua karo kisi dushman ki bad-dua na lage...

  • Digg
  • Del.icio.us
  • StumbleUpon
  • Reddit
  • RSS

MERI MAA

muslim-mothera
Soya nahi hoon mujhe sula do meri maa,
Aa jaao mujhe loori suna do meri maa.

Aansu meri aankhon mein jam se gaye hain,
Kerke dil pe jaber mujhe rula do meri maa

Dekho kitni be tarteeb ho gayi hai zindagi,
Bikhre hain mere baal bana do meri maa.

Ek dard se aashna rehta hoon har ghadi,
Is dard ka ahsaas mitaa do meri maa.

Jal raha hoon main an-dekhi aag mein,
Chumo mera matha, aag bujha do meri maa.

Bahut darr lagta hai mujhe duniya se,
Tum mujhe duniya se chhupa do meri maa.

Thak gaya hoon bohat duniya se ladte ladte,
Tum mujhe apni aaghosh mein panah do meri maa…..

  • Digg
  • Del.icio.us
  • StumbleUpon
  • Reddit
  • RSS

Izhaar

Anjan To Is Ghum Se Koi Reh Nahi Skta
Koi Zabt Karta Hai To Koi Seh Nahi Skta
Mohabat To Har DIL Ko Hojaati He “FARAZ”
Koi ‘Izhaar’ Karta Hai To Koi Keh Nahi Sakta....

  • Digg
  • Del.icio.us
  • StumbleUpon
  • Reddit
  • RSS

Kisi ki Jaan

Jab kisi ke sapne kisi ke armaan ban jaye..

Jab kisi ki hansi kisi ki muskaaan ban jaye…

Bepanaah pyar kehtein hain usai..

Jab kisi ki saansein kisi ki jaan ban jaye…

  • Digg
  • Del.icio.us
  • StumbleUpon
  • Reddit
  • RSS

Ijazat

Palkon ki nami mein chhupa kar sapno ko...
Humne unhein jane ki ijazat de di....
Hum toot kar bikhar gaye tukdo mein...
Unhein muskurane ki ijazat de di....

  • Digg
  • Del.icio.us
  • StumbleUpon
  • Reddit
  • RSS

To Phir???

Ye dard mit gaya to phir?
Ye zakhm sil gaya to phir…?
Bichhar kar sochta hoon main,
Wo phir se mil gaya to phir…?

Main titliyon k shehar mein,
Rahoon to mujh ko fiker hai…
Wo phool jo khila nahi,
Wo phool khil gaya to phir…?

Tujhe bhi kuch nahi mila,
Mujhe bhi kuch nahi mila…
Tamam umar k liye,
Ye dard mil gaya to phir…?

Main is liye to aaj tak,
Sawal bhi na kar saka…
Agar mere sawal ka,
Jawab mil gaya to phir…?

  • Digg
  • Del.icio.us
  • StumbleUpon
  • Reddit
  • RSS